Era e fortë dhe rreshjet e shumta të shut kanë shkaktuar rrëzimin e disa pemëve në qytetin e Fierit.
Dhjetra pemë janë shembur në rrugën “Llukan Toska”, në disa raste duke shkaktuar dëmtimin e automjeteve të parkuara buzë rrugës.
Trafiku në këtë zonë është rënduar ndërsa situata paraqitet më e rrezikshme për shkak të rrëzimit të pemëve mbi telat e shtyllave elektrike. Aktualisht disa punonjës së Bashkisë po punojnë për normalizimin e situatës.