Kaluan natën me prostituta, një vit pezullim për 4 basketbollistët e kombëtares

Një vit pezullim nga të gjitha aktivitetet sportive. Sjelljet jo të mira ndëshkohen në mënyra të ndryshme. Ky ka qenë vendimi që është marrë për 4 basketbollistët e Kombëtares së Japonisë, që u “kapën mat” duke u argëtuar me disa prostituta gjatë kohës që ishin të grumbulluar dhe luanin për vendin e tyre në Lojërat Aziatike.Katër basketbollistët janë Takuma Sato, Nagayoshi Yuga, Takuya Hashimoto dhe Keita Imamura, që kishin shkelur rregullat dhe kishin festuar më shumë seç duhet fitoren ndaj Katarit në këtë event.

Baby Boo

Pas ndeshjes, ata paguan 4 prostituta për të kaluar natën me to në një hotel në Xhakarta, në një nga zonat më të përfolura të kryeqytetit indonezian.Lojtarët mbanin të veshur bluzat e kombëtares gjatë kohës që ishin larguar nga Fshati Olimpik. Reagimi i Federatës Japoneze të Basketbollit ka qenë i rëndë, ata u përjashtuan menjëherë nga eventi që po zhvillohet në Xhakarta dhe më pas u pezulluan një vit nga të gjitha aktivitetet sportive.“Ata njollosën nderin dhe besimin e botës sportive në Japoni”, tha Yuko Mitsuya, presidenti i Federatës Japoneze të Basketbollit, ndërkohë që të 4 basketbollistët kërkuan falje për incidentin e ndodhur.Ata u përkulën para medieve, por edhe ky gjest nuk mjaftoi për t’i falur. Gjithsesi, ata do të kenë mundësi të stërviten me skuadrat e tyre gjatë kësaj periudhe që nuk do të luajnë.