Dhjetëra të rinj çdo ditë mund të shihen para hyrjes së ambasadës së Gjermanisë në Shkup, duke pritur marrjen e vizës apo për aplikime. Hulumtimet e fundit të shoqatave joqeveritare kanë treguar se të rinjtë ikin për shkak të papunësisë dhe për një të ardhme më të mirë.
Shumë fshatra janë boshatisur, pasi që vazhdon trendi i largimit të të rinjve. Një sindrom i tillë viteve të fundit kishte përfshirë edhe vendet e tjera të Evropës Juglindore. Fotografitë e dërguara nga një lexues nga ambasada gjermane alarmojnë se rinia po braktisë vendin.
