Itali, sekuestrohet gomonia me 334 kg marijuanë, në pranga shqiptari


Autoritetet italiane në Brindisi kanë sekuestruar një mjet lundrues të ngarkuar me 334 kg drogë, ndërsa në pranga është vënë një shtetas shqiptar, ende i paidentifikuar.

Operacioni është zhvilluar në brigjet e Brindizit, ku autoritetet e njësisë detare vendosën të ndalojnë mjetin lundrues.

Mediat italiane raportojnë se lloji i mjetit lundrues si dhe deklaratat e paqarta të kontrabandistit shqiptar kanë bërë që të zhvillojnë inspektime më të hollësishme.

Pas kontrollit në bordin e vakrës u gjetën 186 pako të mbështjella me peshë totale 310 kg marijuanë dhe 24 kg hashash. Nëse lënda narkotike do të hidhej në treg do të kapte një vlerë prej 4 milionë euro.

Varka 5 metër e gjatë dhe me një motor të fuqishëm që përdorej për trafik droge u konfiskua, ndërsa në pranga u vu kontrabandisti me kombësi shqiptare.

Baby Boo