Ish-shefit të NATO-s i ndalohet hyrja në SHBA

Ish-shefit të diplomacisë europiane, Javier Solana, njëkohësisht ish-sekretar i Përgjithshëm i NATO-s, i është ndaluar hyrja në Shtetet e Bashkuara të Amerikës.

Lajmin e përcjell “New York Times”, që si arsye për këtë ndalim citon një vizitë të tij në Iran në vitin 2013.

Baby Boo

Solanës, një prej politikanëve më të rëndësishëm të BE-së, i është mohuar autorizimi elektronik për të shkelur në tokën amerikane, e tani, siç thotë edhe vet, do të aplikojë për vizë.

75-vjeçari e konsideron këtë akt për çdo rast, më shumë burokratik sesa politik. Në vitin 2016, administrata “Obama”, në përgjigje të kufizimeve të vendosura nga Kongresi i ashpërsoi rregullat e hyrjes për qytetarët e 38 vendeve, të cilët kishin udhëtuar drejt Iranit, Irakut, Sudanit apo Sirisë pas 1 marsit të vitit 2011.

Solana ishte në Republikën Islamike në vitin 2013, si i ftuar për betimin e presidentit Hassan Rouhani, ndërkohë që atëherë nuk mbante ndonjë post zyrtar.