Bashkëshortja e Ukë Rugovës, Blerta Kllokoqi-Rugova thotë se Massimo D’Alema, ish-kryeministri i Italisë, Presidentin Ibrahim Rugova e cilësoi si profet i paqes dhe baba i pavarësisë.
Ajo përmes një postimi në profilin e saj zyrtar në rrjetin social Facebook, ka thënë se sot në rezidencën e Presidentit Ibrahim Rugova, qëndroi për vizitë ish-kryeministri Massimo D’Alema.
Ja postimi i plotë:
“Profet i paqes dhe baba i pavarësisë” – kështu e cilësoi jetën dhe veprën e Presidentit historik Dr. Ibrahim Rugova Kryeministri i Italisë Massimo D’Alema.
Sot në Rezidencën e Presidentit historik Dr. Ibrahim Rugova, qëndroi për vizitë Kryeministri i 53-të me radhë i Italisë, vitet 1998-2000, Massimo D’Alema. Falë angazhimit dhe miqësisë me Presidentin historik Dr. Ibrahim Rugova, Presidenti historik Dr. Ibrahim Rugova së bashku me familjen e tij u transferua në Itali me iniciativë të Kryeministrit italian Massimo D’Alema më 5 Maj të vitit 1999, për të vazhduar punën dhe angazhimin e tij drejt realizimit të ëndrrës së tij Kosovës shtet të pavarur e demokratik. U jemi gjithmonë mirënjohës shtetit italian, Kryeministrit dhe mikut të përhershëm të Presidentit historik Dr. Ibrahim Rugova Massimo D’Alema dhe gjithë bashkëpuntorëve italian të Presidentit historik Dr. Ibrahim Rugova për kontributin dhe angazhimin e tyre drejt çlirimit të Kosovës, lirisë që ne e gëzojmë sot!
