Interpoli në kërkim të të dyshuarit të tretë për vrasjen e Sazdovskit


Interpoli nga sot ka publikuar kërkimin e 19 vjeçarit Jeton Luzha, të dyshuarit të tretë për vrasjen e Nikolla Sazdovskit.

Fotografia e tij dhe të dhënat personale janë publikuar sot në ueb faqen e MPB-së si dhe për atë është dhënë urdhër arrest ndërkombëtar.

Me ndërmarrjen e të gjitha veprimeve për konfirmim të fakteve në lëndën kundër tre personave që dyshohen për vepër penale “dhunë” të kryer me 29 qershor 2018 ku ndërroi jenë N.S., Prokuroria Themelore Publike Shkup ka bërë rikualifikim të veprës penale për të cilën deri tani zhvillohej procedurë hetimore, transmeton Portalb.mk.

Do të thotë, në vend të veprës penale “dhunë” (nga neni 386 paragrafi 6 në lidhje me paragrafin 3 dhe në lidhje me paragrafin 1 të Kodit Penal), kundër tre të dyshuarve do të zhvillohet procedurë hetimore për vepër penale “vrasje në mënyrë mizore” (sipas nenit 123 paragrafi 2, pika 1 e Kodit Penal).

Ky vendim vjen për shkak se gjatë procedurën hetimore janë siguruar dëshmi materiale dhe verbale, janë dëgjuar më shumë dëshmitarë dhe ka rezultate nga autopsia e kryer.

Vendimi për rikualifikimin e veprës penale mund të bëhej menjëherë pasi Prokuroria Publike siguroi të gjitha dëshmitë relevante, mes të cilave edhe ekspertizën mjekësore dhe pasi i konfirmoi faktet që dalin nga dëshmitë.

Procedura hetimore kundër tre të dyshuarve do të vazhdojë për vepër penale “vrasje”.

Para se të sillet vendimi i Prokurorisë Publike, dy të dyshuarit që ndodhen në paraburgim në burgun e Shkupit do të paraqiten para prokurorit kompetent publik që ta japin mbrojtjen e tyre për veprën penale.

JETON LUZHA në FOTO

Baby Boo