I binden Serbisë, 51 ushtarë serbë largohen nga FSK-ja

Shkaku i presioneve nga Serbia, kohëve të fundit shumë serbë kërkuan largim nga Forca e Sigurisë së Kosovës. E deri më tani 51 kërkesa për largim janë pranuar nga FSK-ja.

Baby Boo

Kjo është bërë e ditur nga Remzie Zeqiraj oficere për marrëdhënie me publikun më Ministrinë e FSK-së.

Zeqiraj ka thënë për lajmi.net se MFSK-ja ka pranuar 51 kërkesa për largim nga Forca e Sigurisë së Kosovës.

“Departamenti i Personelit në MFSK/FSK, sipas akteve tona ligjore ka aprovuar gjithsejtë 51 kërkesa për demobilizim nga FSK-ja, të pjesëtarëve FSK-së nga komunitetit serb”, ka thënë fillimisht Zeqiraj.

Ajo tutje ka bërë të ditur se ky institucion çdo vit i identifikon vendet e lira në strukturën e FSK-së, dhe pastaj shpallë konkurse.

Sipas Zeqirajt, këto konkurse janë pa dallime të moshës, gjinisë dhe nacionalitetit.

“Departementi i Personelit çdo vit identifikon vendeve të lira në strukturën e FSK-së dhe në bazë të nevojave planifikon rekrutimin dhe zhvillimin e kampanjës së rekrutimit me qëllim plotësimin e strukturës me personel. Konkruset tona janë publike, dhe të drejtë aplikimi sipas kritereve të konkursit, kanë të gjithë të rinjtë pa dallim moshe, gjinie dhe nacionaliteti ashtu siç i kemi zhvilluar edhe kampanjat tjera të rekrutimit që nga viti 2009”, ka thënë Remzie Zeqiraj.

Institucionet e Kosovës vazhdimisht kanë kritikuar presionet e Beogradit që serbët të mos bashkohen në FSK.

Kryeministri Haradinaj kohë më parë kishte thënë se ata që largohen, asnjëherë më nuk do të mund të jenë pjesë e Forcës dhe Sigurisë së Kosovës./Pacensure