Haradinaj premton fond prej 1 miliard eurosh për krizën e shkaktuar nga pandemia


Kryetari i AAK-së, Ramush Haradinaj, ka prezantuar sot Programin Zgjedhor për vitin 2021-2025, duke thënë se partia e tij ka planifikuar një fond prej 1 miliard euro për të nxjerrë vendin nga kriza e pandemisë. Haradinaj veçoi disa punë, siç është edhe pronësia mbi Trepçën.

“Aleanca hyn me bindjen për fitore në këtë proces. Ju siguroj për punë të kryera si në nivel komunal e nacional. Veçoj disa punë të kryera që besojmë se e meritojmë besimin e qytetarëve. Kemi rreth 24 punë si Ushtrinë e Kosovës, një nga ngjarjet me rëndësi, pronësinë mbi Trepçën, ku minatorët janë aksionar të 20 për qind të saj. Kemi pavarësinë energjetike të Kosovës. Kryeqytetin e bëri me ligj. Po vonohet ligji për paga që nuk po gjen zbatim me atë të cilit do zgjidhej statusi financiar i mjekëve e policëve”, tha Haradinaj.

“Kemi edhe një arsye që është programi që do ta shpalosim sot. Programin katër vjeçar që është i plotë e i kompletuar. E para është ekonomia një plan i detajuar me formulë si të dilet nga kriza e pandemisë me një fond prej 1 miliardë euro”.

“Shtylla e tretë janë fushat sektoriale si arsimi, shëndetësia, sporti që ka pasë mangësi në menaxhimin e këtyre”, tha ndër të tjerash Haradinaj. “Do t’i japim theks të veçantë anëtarësimit në NATO dhe BE”, u shpreh ai.

Baby Boo