Gsidakis: Zaevi ka masë kritike për miratimin e Marrëveshjes

Portali evropian Euraktiv transmeton deklarata të Nikos Gsidakis, “deputetë me ndikim” nga Syriza, siç e quan autori i tekstit. Në intervistën për Euraktv, Gsidakis ka vlerësuar se edhe krahas censusit të paarritur në referendum, kryeministri Zoran Zaev ka “përfitim politik kyç” sepse mbi 600 mijë votues kanë dalë të votojnë, ndërsa mbi 90 për qind e kanë mbështetur Marrëveshjen. “Zëri “PËR” është një numër i madh dhe i jep Zaevit përfitim politik kyç. Numrat do të mundeshin të jenë më të larta, por Zaevi tani ka masë kritike që t’i ndihmojë ta dërgojë marrëveshjen në Kuvend dhe të vazhdojë me ndryshimet kushtetuese të parapara në Marrëveshjen e Prespës”, thotë Gsidakis.

Sigma Doors

I pyetur nëse konsideron se Zaevi do të arrijë ta bindë opozitën që të bashkëngjitet, deputeti ka deklaruar se është e mundur duke pasur parasysh në atë se rezistenca e opozitës është më e vogël nga më parë. “Zaevit i mungojnë 11 vota, përndryshe mund të shkojë në zgjedhje të parakohshme, në këtë rast ato 500 mijë vota të cilat janë për në BE dhe në NATO do të shkojnë për Zaevin”, konsideron deputeti i Syrizës.