Zëvendëskryeministri dhe anëtari i lartë i BDI-së, Artan Grubi ka përcjell një porosi në rrjetet sociale lidhur me zgjedhjet brendapartiake, por duke dërguar sinjale edhe ndaj oponentëve të tij.
Ja postimi i Grubit:
Sa më shumë sulme, aq më të fortë e më të përkushtuar për të qenë më mirë për të gjithë.
Zgjedhjet brendapartiake në BDI me pjesëmarrjen e të gjithë anëtarëve të regjistruar janë shprehja më e lartë e demokracisë partiake.
Sot, 14 degë tjera i bashkangjiten 11 degëve të Pollogut duke zbatuar parimin një anëtar – një votë dhe duke e forcuar Bashkimin Demokratik për Integrim edhe më tepër!
Uroj proces të mbarë nga i cili do të ketë vetëm fitues”, ka shkruar Grubi.(INA)
