“Ju falënderoi për prezencën dhe pjesëmarrjen tuaj. Këtu e mbylli punën seancës së punës”, tha Artan Grubi kryetar i komisionit.
“Kjo është dhunë juridike. Kjo do të ju godit në kokë një dit. Jini të sigurt për këtë”, u shpreh Dragan Danev – VMRO DPMNE.
Edhe pse seanca e djeshme në të cilën u debatua për Kodin zgjedhorë zgjati 11 orë, përplasjet vazhduan edhe pas seancës.
Artan Grubi: Unë duhej të të jap ty kundër replikë e jo asaj pauzës, atë e thua?
Sllagjana Mitovska Unë të thashë pesë minuta . . .
Dragan Danev: ti dhe pauzë dhe e mbylle.
Artan Grubi: në mënyrë procedurale jap pauzë dhe them nuk vazhdojmë në lidhje me këtë por vazhdojmë me Komisionin juridiko-ligjdhënës. Për shkak se ka 18 të paraqitur, plus për kundër replika.
Dragan Danev: formulacion mund të gjesh për çdo gjë . . . kjo nuk është esenca.
Sllagjana Mitovska: Më ke borxh mundësi që asaj t’i replikoj. Sipas rregullores ma ke borxh.
Artan Grubi: Nuk të kam borxh fare për shkak se afati po skadon.
Propozim ligji, kaloi edhe për shqyrtim në Komisionin ligjdhënës -juridik. Me këtë tani i hapet rruga deputetët të votojnë në Kuvend propozimin e Qeverisë për ndryshime në Kodin Zgjedhor.
Për këtë propozim-ligj të Qeverisë, partia opozitare ka dorëzuar 400 amendamente, por gjatë dy ditëve diskutim asnjë amendament nuk u pranua. VMRO-DPMNE ka vazhduar me ankesat për miratimit e propozim-ligjit me procedurë të shkurtuara si dhe vendosjen flamurin evropian të njëjtit propozim-ligj. Por, deputetët e LSDM-së duke mbrojtur propozim-ligjin e Qeverisë, akuzuan opozitën për bllokim të institucioneve të vendit si dhe rrugën e Maqedonisë drejtë Bashkimit Evropian dhe NATO-së. Me ndryshimet në Kodin Zgjedhor, propozohet që Komisioni Shtetëror i Zgjedhjeve të zgjidhet me një shumicë të thjeshtë prej 61 deputetëve, në vend të dy të tretave të shumicës prej 81 deputetëve siç ishte më parë. Komisioni Shtetëror i Zgjedhjeve mbeti pa përbërje që nga dhjetori i vitit kaluar, pas dorëheqjeve të anëtarëve dhe kryetarit të KSHZ-së, pas skandalit që e denoncoi ambasadori i SHBA-ve në Shkup, Xhes Bejli, për shpenzimet e larta rrugore të anëtarëve të këtij Komisioni .
