GRABITJE MË ARMË ZJARRI, ARRESTOHEN ‘TË RREZIKSHMIT’ E KURBINIT, NË KËRKIM NJË TJETËR

Finalizohet operacioni “Skuraj” nga Policia e Kurbinit ku është zbardhur autorësia e vjedhjes me armë të një karburanti më datë 28.07.2017 dhe tentativës të vjedhjes me armë të një karburanti tjetër datë 28.02.2018, në Kurbin.

Baby Boo

Janë identifikuar dhe arrestuar dy nga autorët e dyshuar , dhe një tjetër shpallet në kërkim.

Sipas policisë si autorë të dyshuar të këtyre rasteve, janë identifikuar shtetasit: Flakon Tafa, 24 vjeç, banues në Kurbin ( i dënuar më parë)

Fatjon Tafa , 27 vjeç, banues në Kurbin ( i dënuar më parë) të cilët janë arrestuar në flagrancë.

Si dhe është shpallur në kërkim dhe punohet për kapjen e shtetasit F.K.30 vjeç, banues në Kurbin ( i dënuar më parë)

Për të tre shtetasit e lartpërmendur, Gjykata e Rrethit Gjyqësor Kurbin ka caktuar me vendimin datë 12.07.2018, masën e sigurisë ” Arrest me burg” për veprat penale ” Vjedhje me armë’ e kryer në bashkëpunim”.

Kujtojmë që më datë 28.07.2017, rreth orës 03:00, në Skuraj të rrethit Kurbin, të armatosur dhe të maskuar, 3 shtetas në bashkëpunim me njëri kanë vjedhur pikën e një karburanti ku kanë marrë shumën monetare 110.000 lekë të rinj.

Më datë 28.02.2018, rreth orës 00:20, kanë tentuar të vjedhin po më armë pikën e një karburanti në aksin rrugor Milot – Thumanë.

Restorant Lumare