Kancelarja e Gjermanisë, Angela Merkel, planifikon të dërgojë policinë gjermane në Bullgari për të forcuar kufijtë e jashtëm të Bashkimit Evropian.
Merkel kërkon gjithashtu masa të forta ndaj njerëzve që abuzojnë nga lëvizja e lirë në hapësirën Schengen. Në vitin 2017, dhjetëra azilkërkues rezultonin se kishin lëvizur drejt vendeve të tjera të BE-së.
“Me procedura strikte, ne mund të reduktojmë ndjeshëm abuzimet me vizat dhe me këtë edhe numrin e azilkërkuesve në Gjermani”, deklaroi Merkel, e cila planifikon t’i zbatoj këto masa në fund të gushtit, përcjell Telegrafi.
“Ne duhet të jemi gjithashtu të përgatitur që të ndihmojmë me mbështetje Slloveninë dhe Kroacinë për kontrollimin e kufijëve nëse do të jetë e nevojshme”, shtoi kancelarja.
