fbpx

Gazetari shqiptar bën thirrje për ekzekutimin e gazetarëve në stilin e “Charlie Hebdo”

Gazetari shqiptar nga Tetova, Emir Hamzai ka bërë thirrje publike për ekzekutim të gazetarëve në Kosovë në mënyrën e njëjt sic ndodhi me redaksinë e revistës satirike “Charlie Hebdo”, në Francë.

Hamzai, përmes një statusi në Facebook, bënë thirrje për ekzekutim dhe zhdukje të gazetarëvce pasi sipas tij, vetëm kështu liria e shprehjes do të kishte kuptim dhe do të ishte e barabartë.

“Në rastin e tanishëm, liria e shprehjes humb logjikën, jo vetëm se atakohet një subjekt si VV, por politika e këtij portali nuk është e barabart edhe karshi tjerëve. Liria e shprehjes për mendimin tim do të ishte, në qoftë se Indeksonline shpif, kurse faturën e merr me një veprim si Charlie Hebdo. Vetëm kështu fara e këtyre zhduket, sepse besimi tek gjyqësori është shterur. Në këtë kaos, ti shpif, unë të vras!”

“Vetëm kështu liria e shprehjes në këtë kontekst do të kishte kuptim dhe do të ishte e barabartë”, shkruan ai.

Ky reagimi i tij, ka ardhur pas një artikulli të publikuar nga Indeksonline me titullin” 80% e plaçkitësve me armë, janë të afërt me Lëvizjen Vetëvendosje”.

Përmbajtjet që i merr PaCensurë nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.

Pa Censurë botohet në www.pacensure.com dhe mund të merren në tërësi, sipas licencës Creative Commons 4.0.