Fillon Haxhi në Mekë, shumë më ndryshe se viteve të kaluara

Pelegrinët myslimanë e kanë filluar pelegrinazhin e haxhillëkut në qytetin e Mekës. Ky ritual sivjet dallon shumë në krahasim me vitet e kaluara për shkak të numrit shumë më të vogël të pjesëmarrësve që do të lejohen ta kryejnë atë.
Haxhillëku është një nga pesë kushtet kryesore të Islamit dhe paraqet një nga tubimet më të mëdha në botë me rreth 2.5 milionë njerëz që mblidhen çdo vit nga e tërë bota në Arabinë Saudite.

Baby Shop Charli Baby Boo

Megjithatë numri i pelegrinëve sivjet do të jetë shumë i kufizuar për shkak të përhapjes së koronavirusit, shkruan “The Guardian”.
Deri më tani, në Arabinë Saudite me koronavirus janë infektuar më shumë se 270,000 persona duke u futur në mesin e 20 vendeve më të prekura në botë.

“Nuk ka shqetësime që lidhen me sigurinë në këtë pelegrinazh, por zvogëlimi i numrit është për t’i mbrojtur pelegrinët nga rreziku i pandemisë” tha Khalid bin Qarar al-Harbi drejtor për siguri publike në Arabinë Saudite.
Nga pelegrinët do të kërkohet vendosja e maskave dhe respektimi i distancës sociale gjatë kryerjes së riteve fetare që do të zgjasin pesë ditë.

Restorant Lumare