Raportuesja për Kosovën në Parlamentin Evropian, Tanja Fajon, para fillimit të votimit tha se Kosova i ka përmbushur të gjitha kushtet për liberalizimin e vizave, dhe ka kërkuar votën e të gjithë eurodeputetëve të Parlamentit Europian që të votojnë me votë pro.
Tani radhën për të votuar këtë rekomandim e ka edhe Këshilli i Ministrave të BE-së.
“Urime për marrjen e dritës jeshile, me shumicë të votave për negociatat në Këshillin e Evropës. Beteja vazhdon me qeveritë e BE-së, nuk do të ndalemi derisa të realizohet”, ka shkruar Fajon./Pacensure
