Është gjetur edhe trupi i policit të dytë, Armend Trena, që deri më tani konsiderohej i zhdukur pas aksidentit që pësoi të shtunën mbrëma në rrugën Kaçanik – Hani i Elezit, duke rënë në lumin Lepenc, së bashku me kolegun e tij, Malsor Dashi, i cili u varros më herët gjatë ditës së sotme.
Trupat e dy policëve u kërkuan për disa ditë radhazi, por gjetja e tyre u bë e mundur vetëm pas angazhimit të zhytësit me përvojë, Ismajl Kasumi.
Sipas burimeve të KTV-së, trupi i tij është gjetur rreth 1 kilometër larg vendit të aksidentit.
Ndërsa, trupi i kolegut të tij, gjatë ditës së djeshme, ishte gjetur rreth pesë kilometra larg aksidentit.
