Erdogan reagon pas tërmetit: Shpresojmë ta tejkalojmë këtë fatkeqësi

Turkish President Recep Tayyip Erdogan arrives for the G20 of World Leaders Summit on October 30, 2021 at the convention center "La Nuvola" in the EUR district of Rome. (Photo by Alberto PIZZOLI / AFP)

Pas tërmetit të fuqishëm vdekjeprurës që goditi të hënën Turqinë dhe Sirinë ka reaguar presidenti turk, Recep Tayyip Erdogan.

Përmes një postimi në Twitter, Erdogan ka thënë se ekipet e shpëtimit po bëjnë gjithçka për ta përballuar situatën.

“Shpresojmë që së bashku ta kalojmë këtë fatkeqësi sa më shpejt dhe me sa më pak dëme dhe të vazhdojmë punën tonë”, ka shkruar Erdogan.
Ai ka bërë të ditur se ekipet e kërkim-shpëtimit u dërguan menjëherë në zonat e prekura nga tërmeti.

“Ministria jonë e Brendshme dhe Shëndetësisë, AFAD, Guvernatorët dhe të gjitha institucionet e tjera e nisën punën me shpejtësi”, ka vijuar ai.

Ndryshe, pasojat e tërmetit që e goditi Turqinë dhe Sirinë të hënën janë të mëdha. Numri i përgjithshëm i viktimave ka shkuar në më shumë se 500 në të dyja vendet.

Tërmeti është një nga më të fortët që ka goditur Turqinë në më shumë se 100 vjet dhe shkaktoi lëkundje në të gjithë rajonin, duke shembur ndërtesa dhe duke i bërë banorët të vrapojnë në rrugë.

Baby Boo