Turqia është një ndër shtetet e rajonit me drama të forta familjare. Rasti i mëposhtëm është një ndër to. Mediat lokale raportojnë për vrasjen në mënyrë makabre dhe mbajtjen e trupit për disa ditë më frigorifer të një fëmijë vetëm 3 vjeç.
Vogëlushja, fryt i një martese të dështuar mes prindërve të saj rrinte me nënën e saj kur kjo e fundit u njoh me një burrë tjetër duke filluar të jetonin bashkë. Për arsye ende të paditura, vajza e mitur dhe motra e saj një vjeçe e gjysmë humbasin dhe nëna del në një studio televizive duke kërkuar gjetjen e vajzave të saj.
Pas kërkimeve nga policia, vajza e vogël u gjet e gjallë dhe mbahej nga shoku i të dashurit të nënës, kurse vajza e madhe u gjet e vdekur dhe trupi i ishte futur në pjesën e ngrirjes së një frigoriferi. Policia arrestoi dy burra që dyshohet se kishin lidhje me nënën e vajzës. Ata morën dy vajzat peng për të detyruar nënën të prostituonte.
Nga këqyrja paraprake policia zbuloi se vogëlushja ishte vrarë duke u goditur në trup pa mëshirë. Ndërkohë, gjatë ditës së sotme u bë varrimi i vajzës së quajtur Lina. Gjatë ceremonisë në Gaziantep, babai i saj nuk mundi t’i mbajë lotët dhe një moment i hodhi xhupin mbi arkivol duke thënë se kështu vajza e tij nuk do të kishte ftohtë.
Bir Babanın En Acı Anları! Üşümesin Diye Hırkasını Tabutuna Sardı!
Gaziantep'te darp edilerek öldürülen ve cesedi derin dondurucuda bulunan 3 yaşındaki Lina, kılınan cenaze namazıyla defnedilirken, baba Abdurrahman Erbay kızı üşümesin diye polar hırkasını tabutuna sardı. pic.twitter.com/SfRtBlZehU
— ÜLKE TV (@ulketv) September 28, 2022
