Një qytetar nga Gjilani ka njoftuar për një rast vjedhje që ka ndodhur mbrëmjen e kaluar në shtëpinë e tij.
Ai pasi kishte shikuar kamerat e sigurimit ka vërejtur se një hajdut ka hyrë fshehurazi në shtëpinë e tij duke ia vjedhur çizmet e dimrit, shkruan Reporteri.net.
I indinjuar ai ka postuar në llogarinë e tij në Facebook edhe videon duke kërkuar ndihmë nga të gjithë ata që mund ta njohin personin që shihet në incizimet e kamerës.
Ai ka thënë se çmimi i këpucëve ishte 175 euro dhe nuk kishte kohë të gjatë që i kishte blerë.
Mirëpo, një ditë më vonë ka ndodhur një gjë e rrallë. Hajduti është penduar dhe ka vendosur tia kthejë këpucët e vjedhura duke i lënë edh enjë letër kërkimfalje. Ai aty thotë se ka gabuar dhe se kjo nuk do të ndodhë më kurrë.
