Një ndeshje e pazakontë është luajtur ditën e djeshme në orën 18:00 në Stadiumin e Vlorës nën masa të rrepta sigurie.
Të burgosurit e Fierit janë ndeshur me ekipin e Flamurtarit dhe kanë mundur të fitojnë me rezultatin 2 me 1.
Sakaq, newsbomb.al zbulon detaje intertesante nga kjo ndeshje. Tre prej të dënuarve, dikur kanë qenë pjesë e ekipeve të futbollit, pra profesionistë.
Orges Delaj, Fjorentino Baxho dhe Taulant Gjini, kan qene pjesë e të denuarve që luajtën me Flamurtarin dje, më parë kanë luajtur me ekipe futbollesh. Ndoshta kjo është dhe arsyeja që ata ia dolën të mundnin një ekip si Flamurtari.
I njëjti ekip të burgosurish një muaj më parë u ndesh me Peqinin dhe e mundi me rezultatin 8 me 2.
Djemtë e burgosur, në ndeshjen e djeshme kanë mbajtur një minutë heshtje. Kjo për shkak se një javë më parë në burgun e Fierit vdiq një prej shokëve të tyre të skuadrës si pasojë e infarktit. Fitoren e djeshme ia dedikuan pikërisht atij, Mariglen Likës.
