E DHIMBSHME: Vdes vogëlushja nga Podujeva, Lorela Durmishi – S’arriti të shpëtojë pas operacionit në Turqi.
Ky është njoftimi i babait:
Të Allahut jemi dhe tek Ai do të kthehemi.
Sot me datë 24 prill 2022, në orën 16:25, në këtë muaj të mëshirës, caktimi i Allahut ishte që pas një sëmundjeje shumë të rëndë, engjëllin tonë të dashur, Lorelën ta merrte pranë Tij.
Shumë faleminderit hoxhë Elvis Naçit, fondacionit të tij që bënë të pamundurën për ta shpëtuar engjëllin tonë si edhe të gjithë vëllezërve dhe motrave tanë Shqiptarë në Kosovë, Shqipëri, Maqedoni dhe anembanë diasporës kudo që ndodhen nëpër botë, të cilët nuk hezituan as edhe një çast të vetëm për të dhënë kontributin maksimal për ta ndihmuar engjëllin tonë, por dëshira e Allahut të Madhërishëm ishte që ta merrte atë pranë Tij.
Allahu ua shpërbleftë të gjithëve me të mira në këtë botë dhe në botën tjetër. Kur të vijë dita, Allahu na bashkoftë me të në xhennetin e Tij./Ligjeruesi
