Dua Lipa i ka kërkuar falje të gjithë fansave të saj në Denver pasi u detyrua që të anulonte shfaqjen.
Aktualisht këngëtarja me origjinë shqiptare po mban turneun muzikor rreth SHBA. Por për shkak të një infeksioni “të dhimbshëm” të veshëve, 22-vjeçarja është detyruar që të anulojë një nga performancat e saj në Denver, transmeton Koha.net.
Me anë të një postimi në Twitter shprehet se u detyrua që të ndërpresë shfaqjen sepse kishte disa ditë që vuante nga dhimbja veshëve.
“Mendova se do t’ia dilja, por ishte mjaft e dhimbshme. U këshillova dhe më thanë se nëse vazhdoja shfaqjen do të shkaktoja dëme të përhershme në vesh”, tha ajo, transmeton kj.
Dua u bëri thirrje të gjithë atyre që blenë biletat që ti mbajnë pasi do mundohet të riorganizojë performacën.
Ndërsa ishte në skenë duke u komunikuar fansave se shfaqja do ndërpritej këngëtarja shpërtheu në lot dhe u largua duke qarë.
