Drejtoria Doganore ka njoftuar se janë sekuestruar 22 vetura njofton Pa Censurë.
“Në aksionin e përbashkët dyditor të Sektorit për kontroll dhe hetime në Drejtorinë doganore dhe Ministrisë së Punëve të Brendshme, janë konfiskuar 22 automjete të udhëtarëve me targa të huaja të drejtuara nga shtetas të Maqedonisë.
Veturat e konfiskuara janë të markave të ndryshme dhe në mesin e tyre katër janë të markës Mercedes, tre janë të markës AUDI, dy janë të markës BMW, një automjet mallrash për pasagjerë është i markës TESLA, etj. dhe të gjitha automjetet janë drejtuar nga shtetas maqedonas të territorit të Republikës së Maqedonisë së Veriut për më shumë se 6 muaj.
Kërkesa për fillimin e procedurës për kundërvajtje do të dorëzohet në gjykatën kompetente kundër kryesve të kundërvajtjeve.
Përkatësisht, në përputhje me kompetencat ligjore të Drejtorisë Doganore, të cilat janë në përputhje me kriteret dhe kushtet e përcaktuara në Konventën e Stambollit për import të përkohshëm, dispozitat e Ligjit doganor dhe dispozitat e Dekretit për zbatimin e ligjit doganor, qytetarët e RMV-së dhe të huajve mund të sjellin dhe drejtojnë përkohësisht një automjet në territorin e Republikës së Maqedonisë së Veriut gjatë qëndrimit të tyre, por maksimumi 6 muaj në një periudhë 12 mujore, pas së cilës automjeti duhet të largohet nga territori i Republikës së Maqedonisë së Veriut.
Në rast të kundërt, ata do të duhet të paraqiten në zyrën doganore më të afërt në vendin ku qëndrojnë përkohësisht dhe të fillojnë një procedurë të përshtatshme doganore për import ose import të përkohshëm të automjetit”. thuhet në njoftimin e Drejtorisë së Doganave.Pa Censurë
