Djokovic e kundërshton vaksinën kundër koronavirusit: Pensionohem nëse na detyrojnë ta marrim

Tenisti serb Novak Djokovic ka thënë se kundërshtimi i tij ndaj vaksinimit mund ta detyrojë të pensionohet nga tenisi profesionist, pas pandemisë koronavirus.

Baby Boo

Të gjithë lojtarëve të tenisit u është bërë thirrje të vaksinohen kur të rinis sezoni, edhe pse shkencëtarët kanë paralajmëruar se zbulimi i vaksinës kundër Covid-19 është të paktën një vjet larg.

Por një plan i tillë e ka vënë në dilemë numrin një të botës në tenis.

“Personalisht e kundërshtoj vaksinimin dhe nuk dua që dikush të më detyroj ta marr një vaksinë në mënyrë që të jem në gjendje të udhëtoj”, ka thënë Djokovic në një bisedë drejtpërdrejt në Facebook me disa atletë të tjerë serbë të dielën.