Ministri i Shtetit për Diasporën, z. Pandeli Majko, takohet me pjesëtarët e Forumit Rinor Shqiptar të Shkupit. Gjatë takimit, Ministri Majko dhe anëtarët e Forumit shkëmbyen mendime dhe informacione mbi rrugët dhe format për nxitjen e angazhimit, pjesëmarrjes dhe zhvillimin e të rinjve shqiptarë në Shkup si edhe në Maqedoni.
Temë e bisedës midis tyre ishte dhe nxitja e organizimit të aktiviteteve rinore, përkujtimi i themelimit të shkollës shqipe në Manastir, si dhe organizimi i një tryeze të rrumbullakët me rininë shqiptare në Shkup.
