Dastid Pallaska: Albin Kurti do të bëhet si diktatori Enver Hoxha

Avokati Dastid Pallaska ka deklaruar se lideri i Vetëvendosjes Albin Kurti, do të bëhet njëjtë sikurse diktatori shqiptar Enver Hoxha, transmeton Gazeta Metro.
Pallaska i ftuar në Rubikon, ka thënë se veprimet, sjelljet dhe apetiti për pushtet i Albin Kurti është i ngjashëm me të diktatorit Enver Hoxha.

Baby Boo
Pekon Bakery

Pallaska ka thënë se Lëvizja Vetëvendosje tenton të ndryshojë sistemin kushtetues të Kosovës që në të ardhmen t’i sigurojë vetes një pushtet absolut.
“Apetiti i tij për pushtet është absolutisht si i Enver Hoxhës dhe sikur që ishte i diktatorëve të shekullit të kaluar dhe autokratëve të tanishëm”.

“Në shumë vende edhe shumë më demokratike, pas një periudhe vetë populli e lyp një autokrat dhe ai është terreni ideal për një lëvizje sikur Vetëvendosja që ta shpalosin në thelb ideologjinë e tyre. Ky rend kushtetues nuk e akomodon kërkesën e tyre për pushtet”.
“Vetëvendosje dëshiron t’ia vërtetojë qytetarit të Kosovës se ky rend kushtetues nuk mund të prodhojë qeveri stabile. Kjo është në përputhje me ideologjinë e Vetëvendosjes që do ta bëjë nesër në pushtet. Një prej mënyrave se si një lëvizje populiste rritet është kur propaganda e saj nuk testohet në pushtet. Gënjeshtra mbi të cilën është ngritur të mos shpaloset asnjëherë para publikut”, tha Pallaska.

Restorant Lumare