Dame Judi Dench hyn në histori si aktorja më e vjetër që është nominuar për “Oscars” në moshën 87-vjeçare

Aktorja Dame Judi Dench ka bërë histori me nominimin e saj për “Oscar”, duke u bërë kandidatja më e vjetër ndonjëherë që nominohet. Ajo është nominuar për çmimin “Aktorja më e mirë në rol dytësor”, në moshën moshën 87-vjeçare.
Aktorja veterane është nominuar për rolin e saj si ‘Granny’ në filmin “Belfast” të regjisorit Kenneth Branagh.

Baby Boo

Kjo shënon nominimin e saj të shtatë për çmimin “Oscar”, i pari prej të cilit erdhi në vitin 1999 për rolin e saj si ‘Mbretëresha Elizabeth I’ në filmin “Shakespeare in Love”.
Në film, ajo luan rolin e gjyshes së djalit të ri Buddy (11-vjeçari Jude Hill), prindërit e të cilit (Caitriona Balfe dhe Jamie Dornan) po përpiqen të vendosin nëse do të qëndrojnë në Belfast ndërsa qyteti po bie në një gjendje lufte.

Ngjarja zhvillohet në vitin 1969, filmi është frymëzuar nga fëmijëria e hershme e Branagh-së.
Filmi në fjalë gjithashtu ishte një nga filmat më të nominuar, përfshirë edhe atë për çmimin kryesor “Filmi më i mirë”.

“Belfast” u nominua gjithashtu për çmimin “Regjisori më i mirë”.
Aktorja Dench ndër vite ka marrë gjithashtu nominime për rolet në filmat: “Mrs Brown” (1997), “Chocolat” (2000), “Iris” (2001), “Mrs Henderson Presents” (2005), “Notes on a Scandal” (2006) dhe filmin e vitit 2013, “Philomena”.

Megjithatë, ylli i filmit “Belfast”, u refuzua të nominohej në çmimet britanike të filmit, BAFTA Awards 2022.
“Belfeast” do të konkurrojë për çmimin kryesor me filmat: “Coda”, “Don’t Look Up”, “Drive My Car”, “Dune”, “King Richard”, “Licorice Pizza”, “Nightmare Alley”, “The Power Of The Dog” dhe “West Side Story”. /Telegrafi/