Dalin detaje të reja për montimin e rastiti “Monstra”


Vetura “Opel Omega”, e cila sipas aktakuzës ka qenë mjeti i transportit të të akuzuarve për vrasjen e pesëfishtë në Liqenin e Smillkovës në natën e kobshme të 12 prillit të vitit 2012, ka pasur targa të falsifikuara, ndërkaq pronari i veturës nuk dihet pasi që e njëjta është sjellë prej jashtë shtetit dhe asnjëherë s’është regjistruar në Maqedoni. MPB ka kryer ekspertizë edhe në katër vetura tjera për të gjetur gjurmë të gishtërinjve nga të akuzuarit, njofton Portalb.mk.

Ministria e Punëve të Brendshme për lëndën ka kryer ekspertizë të 5 veturave, për të gjetur gjurmë të gishtërinjve nga të akuzuarit për vrasjen e pesëfishtë në Liqenin e Smillkovës. Të gjitha veturat momentalisht gjenden në MPB, përveç asaj më kontestuese “Opel Omega” e cila gjendet në Agjencinë për Menaxhim me Pronat e Konfiskuara.

Vetura Opel Omega e cila dyshohet se e kanë shfrytëzuar autorët e vrasjes së pesëfishtë pranë Liqenit të Smillkovës
“Opel Omega”, në vendin ku e ka gjetur policia
MPB ka kryer ekspertizë të veturës “Pezho 306” e cila ka qenë në pronësi të Alil Demirit, “Mazda 626”, në pronësi të Haki Azirit, “Pasat” në pronësi të Afrim Ismailoviq, “Golf 3” ka qenë me targa të huaja dhe vetura kontestuese Opel Omega, e cila ka qenë me targa të falsifikuara.

Eksperti i cili e ka kryer analizën e identitetit të veturave nëpërmjet sistemit evropian për regjistrim të veturave, sqaroi se të gjitha veturat janë origjinale, por vetëm vetura “Opel Omega” edhe pse ka qenë veturë origjinale, ka qenë me targa të rrejshme, gjegjësisht e njëjta asnjëherë nuk është regjistruar në Maqedoni.

“Vetura “Opel Omega” është me numër origjinal identifikimi, por gjatë kontrollit në sistem është konstatuar se targat janë origjinale, por nuk janë të asaj veture, por të një veture “Mercedes tip123”. Nga kontrollet e kryera në bazën e veturave të regjistruara në Maqedoni për “Opel Omega” është konstatuar se kjo veturë asnjëherë nuk është regjistruar në Maqedoni”, deklaroi eksperti Goce Markov.

Në pyetjen e PSP-së, nëse ka pasur çelës në veturë, kur janë kryer kontrollet, eksperti tha se vetura ka qenë me çelës origjinal, e ka ndezur me sukses dhe në bord kompjuter ka parë se ka karburant për edhe rreth 130 km.

Baby Boo