Çfarë po ndodh me Boris Johnson

Kryeministri britanik, Boris Johnson, kaloi të martën natën e dytë në kujdes intensiv.

Baby Boo

Johnson është diagnostikuar me koronavirus më 27 mars.

Kryeministri po mbahet në spitalin St Thomas të Londrës “për monitorim të afërt”, tha Qeveria britanike.

Zëdhënësi i Johnsonit tha se gjendja e tij “është stabile”.

Johnson është shtruar në spital më 5 prill, për shkak të simptomave të vazhdueshme të sëmundjes, ndërsa të hënën mbrëma është transferuar në kujdes intensiv.

Mbretëresha britanike, Elizabeth II, i ka dërguar mesazh familjes dhe partneres së tij, duke thënë se ata janë në mendimet e saj.

Më shumë detaje për gjendjen e Johnsonit priten gjatë ditës.

Sekretari i jashtëm britanik, Dominic Raab, i cili po e zëvendëson Johnsonin, tha se është i bindur se kryeministri do të shërohet.