Boshnjakovski: Është koha që subjektet politike të tregojnë përgjegjësi për momentin në të cilin ndodhet Maqedonia

Është koha që të gjitha institucionet politike në Maqedoni, duke përfshirë edhe Ivanovin, të tregojnë përgjegjësi elementare politike për momentin në të cilin ndodhet Maqedonia, kështu deklaroi zëdhënësi i Qeverisë, Mile Boshnjakovski në lidhje me deklaratën e sotme me shkrim nga ana e presidentit, Gjorge Ivanov se qëndrimi i tij për marrëveshjen për emrin mbetet i pandryshueshëm, transmeton Portalb.mk.

Boshnjakovski edhe njëherë përsëriti se qytetaret në referendum do ta thonë fjalën e fundit dhe që vullneti i tyre do të jetë detyrues për të gjitha subjektet politike të shtetit.

Baby Boo

“Vullneti i qytetarëve të shprehur në referendum do të jetë i detyrueshëm për subjektet politike. Por, që qytetarët të mund ta shprehin lirisht vullnetin e tyre, duhet ambient politik që do t’ua mundësojë. Apelojmë deri te të gjitha subjektet politike që t’ju lënë hapësirë qytetarëve t’i shpalosin argumentet e tyre. Le t’i bindin në çfarëdo që konsiderojnë se është e drejtë. Qytetarët janë ata që do të vendosin”, tha Boshnjakovski në pres konferencën e sotme.