Shefi i kabinetit të kryeminsitrit, Avni Arifi ka publikuar një letër që ka dërguar në zyrën e përfaqësues së lartë të Bashkimit Evropian, Federica Mogherini, më 25 maj të këtij viti, kur ajo ka bërë një ftesë për takim të përbashkët me delegacionin e Serbisë.
Arifi ka thënë se do dëshironte që Mogherini të reagonte dhe të ndihej e shqetësuar edhe në atë kohë kur Kosova ka shprehur pakënaqësi për gjëra të ndryshme.
Ky reagim i tij vije, pasi që, Mogherini ka reaguar sot duke thënë se është e shqetësuar për vendosjen e taksës ndaj Serbisë dhe duke kërkuar që të hiqet ajo sa më parë.
Lexoni më poshtë statusin e tij dhe letrën e plotë:
Bashkimi Evropian ishte plotësisht i informuar se si Serbia shkelte të gjitha marrëveshjet.
Do kisha dashur sikur Mogherini të ishte shqetësuar edhe atëherë kur e njoftuam ne.
Më poshtë shihni letrën që kam dërguar në zyrën e saj në emrin tim si shefi i Delegacionit të Kosovës.
Letra:
25 maj,
I dashur Thomai,
Duhet të theksoj se jam plotësisht i zhgënjyer dhe i ofenduar nga ftesa juaj. Kjo ftesë dëshmon se roli juaj si ekip për lehtësimin e BE-së për dialogun teknik midis Kosovës dhe Serbisë është transformuar në dorën e djathtë të delegacionit serb, duke i shërbyer interesave serbe në krijimin e agjendës së tyre. Për muaj, ne kemi këmbëngulur me të drejtë dhe kemi kërkuar ndihmën tuaj në lehtësimin e zbatimit të marrëveshjes së Energjisë dhe marrëveshjeve tjera në pritje. Sidoqoftë, i keni injoruar krejtësisht kërkesat tona të vazhdueshme dhe të njëpasnjëshme për t’u përqendruar në çështjen e Energjisë, për të cilën i gjithë tregu kontinental është ndërprerë dhe që fjalë për fjalë ka nevojë vetëm për dy orë për t’u zgjidhur.
Përveç kësaj, keni heshtur kur vajzat e Ekipit të Hendbollit të Kosovës u terrorizuan dhe nuk u lejuan të luajnë një lojë sportive në Serbi. Ju ishin të heshtur kur autoritetet serbe mohuan lëvizjen e lirë të Ekipit të Karatesë së Kosovës në Serbi për arsye të pastra raciste. Ju keni heshtur kur disa kosovarë u mabjtën në kufirin e Serbisë pa asnjë arsye, për sjellje të pastër diskriminuese. Ju ishit të heshur kur të gjitha takimet në Menaxhmin e Integruar të Kufirit janë anuluar dhe refuzuar nga pala serbe dhe cka është më e keqja, ju mbeteni të heshtur kur krertë serbë publikisht gënjejnë se kanë zbatuar të gjitha marrëveshjet me Kosovën.
Për t’i bërë gjërat edhe më keq, aktivitetet diplomatike të Serbisë kundër Kosovës janë publikuar shumë nga zyrtarët serbë, të cilët me hapa dhe me krenari punësojnë fuqinë diplomatike të Serbisë kundër njohjeve të reja të Kosovës dhe lobojnë shumë tek të gjitha shtetet që tashmë e kanë njohur Kosovën. akti i njohjes.
Prandaj, përgjigja ime është: do të marrim pjesë në ftesën tuaj pasi të gjitha marrëveshjet e pazgjidhura të jenë zbatuar plotësisht dhe respektohen:
Marrëveshja për Energji;
Liria e Lëvizjes;
Njohja e Diplomave Universitare;
IBM;
Përfaqësimi dhe Bashkëpunimi Rajonal;
Ura e Mitrovicës;
Dhe së fundi, përpara se të bëj një prezantim në Bruksel apo në ndonjë vend tjetër, Ekipi Drejtues do të duhet të punojë me ekipin e OSBE-së dhe të bëjë një prezantim për veten time.
Për qëllime sqarimi, siç e kam theksuar me të drejtë takimin e fundit në Bruksel, ekipet tona udhëtojnë në Bruksel për të marrë pjesë në takime teknike me qëllim që të lehtësohet zbatimi i të gjitha marrëveshjeve ekzistuese, pa mbajtur peng të gjitha. Ju kujtoj deklaratën e Shefit të delegacionit serb: “Ne jemi këtu vetëm për zbatimin e Marrëveshjes së Asociimit”. Me këtë ftesë ju në të vërtetë thoni të njëjtën gjë.
