Ambasada britanike mbështet aksionin e djeshëm të Policisë kundër kontrabandës, dënojnë sulmet e dhunshme dhe retoriken nxitëse

Ambasada e Britanisë në Prishtinë ka komentuar aksionin e djeshëm të kontrabandës për mallra të Policisë së Kosovës në Pejë, Prishtinë, Mitrovicë të Jugut dhe atë të Veriut.
Në një postim në Facebook, nga Ambasada thonë se e mbështesin veprimet e Qeverisë së Kosovës në luftën kundër krimit të organizuar.

Baby Boo

“Veprimi kundër krimit të organizuar është në interes të të gjithë qytetarëve të Kosovës dhe ne e mbështesim Qeverinë e Kosovës në respektimin e sundimit të ligjit në të gjithë Kosovën. Përpjekjet për të penguar këtë veprim me dhunë, si dhe përdorimi i retorikës nxitëse, shërben vetëm për të ndihmuar ata që kërkojnë të krijojnë ndarje midis komuniteteve në Kosovë”, thuhet në njoftim, shkruan Gazeta Reporteri.net.

Ambasada britanike po ashtu janë shprehur të shqetësuar për sulmet që u janë bërë gazetarëve.
“Ne jemi gjithashtu të shqetësuar për raportet e frikësimit të gazetarëve që përpiqen ta bëjnë punën e tyre dhe të raportojnë faktet në terren. Gazetarët kanë të drejtë të veprojnë në një mjedis të sigurt dhe ata që e kërcënojnë këtë duhet të mbajnë përgjegjësi”, thuhet në njoftimin e Ambasadës britanike në Prishtinë.