Lideri i Bashkimit Demokratik për Integrim, Ali Ahmeti ka dërguar urime deri te besimtarët muslimanë në lidhje me fillimin e muajit të shenjtë – Ramazanit.
“Të nderuar vëllezër dhe motra të besimit islam,
Uroj nga zemra që muaji i bekuar i Ramazanit t’ju gjejë në harmoni, paqe dhe shëndet të mirë në familjet tuaja.
Të frymëzuar le ta kalojmë çdo ditë të këtij muaji duke praktikuar vlerat e larta të besimit, bamirësisë dhe respektit mes vete.
Përkushtimi dhe begatitë që na i sjell muaji i agjërimit qofshin udhërrëfyesi ynë i përjetshëm në shërbim të së mirës së përgjithshme! Agjërim të lehte dhe lutje të pranuara!”, shkroi Ahmeti në Facebook.
