fbpx

Ahmeti: Emri i ri, Maqedonisë dhe shqiptarëve do t’u hapë perspektivë të re

Proces tejet i komplikuar dhe me kompromise jo të lehta i ka cilësuar partneri i koalicionit qeverisës në Maqedoni, përkatësisht kreu i BDI-së, Ali Ahmeti, ndryshimet kushtuese që çuan në ndryshimin e emrit të Maqedonisë, në Republika e Maqedonisë së Veriut.

Ahmeti, në një intervistë për KTV-në, në Tetovë, ka folur për hapat e tjerë që tashmë e presin Maqedoninë pas këtyre ndryshimeve kushtetuese.

Ai ka thënë se ky moment duhet t’u shërbejë të gjithëve drejt pajtimit të popujve për një perspektivë të re.
Futja e Marrëveshjes së Ohrit në Preambulë, sipas Ahmetit, edhe njëherë dëshmon se shqiptarët janë shtet-formues në Maqedoni.

Përmes kësaj marrëveshjeje, shqiptarët do ta kenë më të lehtë realizimin e të drejtave të tyre.

Një tjetër ligj që pritet të përmirësojë pozitën e shqiptarëve në Maqedoni, është edhe ligji për dygjuhësi, i cili sipas Ahmetit, pritet të nënshkruhet brenda pak ditëve nga kreu i Kuvendit.

Ahmeti ka thënë se përfaqësuesit e shqiptarëve në Maqedoni duhet të konsolidohen më mirë, në mënyrë që të arrihet sa më lehtë materializmi i të drejtave të shqiptarëve në këtë shtet, derisa ka hedhur kritika në drejtim të opozitës, e cila kundërshtoi marrëveshjen gjatë gjithë kohës.

Përmbajtjet që i merr PaCensurë nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.

Pa Censurë botohet në www.pacensure.com dhe mund të merren në tërësi, sipas licencës Creative Commons 4.0.