Policia e Kosovës ka njoftuar se ka arrestuar një person që dyshohet se ka kryer marrëdhënie seksuale me një femër të mitur, shkruan Gazeta Insajderi.
Në raportin e policisë thuhet se i dyshuari e ka pranuar aktin dhe është duke u hetuar.
Ngjarja raportohet të ketë ndodhur në Suharekë.
“ Njësiti i hetimeve gjatë një pune hetimore, nën dyshimin e kryerjes së veprës së lart-cekur, kanë identifikuar dhe arrestuar të dyshuarin mashkull kosovar. Gjatë intervistës i njëjti ka pranuar se ka kryes marrëdhënie me viktimën femër kosovare e mitur. Me vendim të prokurorit i dyshuari është dërguar në mbajtje“, thuhet në njoftim.
Ndërsa Sinjali raportoi se i dyshuari është i moshës 35 vjeçare ndërsa viktima 15 vjeçe.
Sipas tyre, i dyshuari ka incizuar aktin dhe e ka publikuar pastaj videon.
Pas përfundimit të procedurave policore, Prokurori i Shtetit ka urdhëruar që i dyshuari të dërgohet në mbajtje dhe i njëjti do të hetohet nën dyshimet për kryerjen e veprës penale ‘Dhunim’.
