18 vite burg për krim që nuk e kishte bërë, shuma marramendëse që i kërkon shtetit për dëmin

Thomas Komenda, i dënuar gabimisht për përdhunim dhe vrasjen e një vajze 15 vjeçare në jugperëndim të Polonisë në vitin 1997, u lirua pas 18 vjetësh burg pasi prindërit e vajzës së vrarë filluan një fushatë për lirimin e tij.
Gjykata polake arriti në përfundimin se Komenda nuk është përgjegjës për krimin, gjë që tronditi publikun.

“Për 18 vitet e ardhshme, pyes vetën se çfarë bëra gabimisht për ta kthyer jetën time në ferr”, tha Komenda, duke shtuar se ai ishte trajtuar si mbeturinë.

Baby Boo

Prindërit e vajzës së vrarë thanë se kishin dyshuar për fajësinë e Komendës dhe kërkuan nga autoritetet që të rishqyrtojnë vendimin. Shfajësimi i gjykatës u bazua në provat e ADN-së të paraqitura gjatë gjykimit fillestar në vitin 2004, i cili më vonë u konstatua si jo i besueshëm. Komenda u lirua falë teknikave të reja të forenzikës, transmeton lajmi.net

Dosja e çështjeve gjithashtu zbuloi gabime në mbledhjen e provave, por edhe dëshminë. Komenda tha se ai ishte rrahur gjatë marrjes në pyetje dhe ishte aq e vështirë. Avokati i tij tashmë ka njoftuar se Komenda do të kërkojë 2 milionë paund kompensim për dënimin dhe vitet e kaluara në burg.

Ministri i Drejtësisë, Zbigniew Ziobro, i cili përsonalisht urdhëroi rishqyrtimin e çështjes, tha se lirimi i tij tregon se gabimet e sistemit gjyqësor mund të korrigjohen.