Tmerrin që ka përjetuar një natë më parë e ka vështirë ta shpjegojë. 11-vjecari Erlis Tafa është kthyer në familjen e tij në Shtime një ditë pasi ai u kidnapua nga persona të panjohur.
Ishte duke luajtur para shtëpisë kur persona me maska, e morën me forcë në veturë duke ja lidhur duart e mbyllur sytë.
Nxënësi i klasës së gjashtë, si në mjegull tregon ndodhinë. Ai shpjegon edhe ku e dërguan rrëmbyesit.
E si kishte mundur të ikte, shpjegon vetë ai.
I frikësuar, Erlisi arriti të gjejë stacionin e policisë në Ferizaj, ku në mesnatë u lajmërua i gjallë.
Tash, ai është nën përkujdesje të mjekëve.
Por, caku nuk ishte Erlisi. Kidnapuesit kishin kërkuar para nga babai i tij.
Kërmes këtij mesazhi kërcënues, Adem Tafa, arriti ta kuptojë qëllimin e atyre që ia morën djalin.
Shpresë për Adem Tafajt mbeti Policia e Kosovës.
Ai mohon të ketë pasur ndonjëherë problem me ndonjë person. Por, shpjegon se dikush i ka atij borxhe.
Madje, ai shprehet i shqetësuar se edhe në vazhdimësi mund të ju ndodh diçka dy djemve të tij.
Tash kur djali i është kthyer në shtëpi, problem për të mbetet gjendja e Erlisit.
Në momentin e rrëmbimit, 11 vjecari ishte me djalin e i axhës së tij.
E policia e Kosovës, tashmë ka disa pista hetimi.
Por shtëpia ku është dërguar djali ende nuk ka mundur të identifikohet. Në ditët në vazhdim, pritet edhe intervistimi i Erlisit.
Kurse babai i tij që për shkak të biznesit përballet me borxhlinjë të shumtë, u pa të hënën pasdite në stacionin e policisë së Ferizajt.
