Kryeministri në detyrë i Republikës së Kosovë, Albin Kurti, ka marrë një kërcënim me jetë, shkruan Gazeta Sinjali.
Një person i cili në Facebook mban emrin Daniel Arianitti, ka premtuar 10 milionë euro për këdo që ia dërgon atij kokën e Kurtit, të cilin ai e krahason me Fidel Kastron.
“10 milionë kush ma bjen kokën e Albinit, Fidel Castros, psikopatit shqiptar (Albert Zweistein)”, ka shkruar ai në Facebook.
Me këtë rast, sipas zëdhënësit të Lëvizjes Vetëvendosje, Arlind Manxhuka, po merren organet e hetuesisë.
“Të dashur aktivistë e simpatizantë, e di që shumë prej jush e keni marrë me shumë seriozitet një kërcënim të një personi që kishte bërë ndaj Albinit në FB, por nuk është zgjidhje që privatisht e personalisht të merreni me të, madje s’do të duhej. Le t’ja lemë këtë gjë organeve të hetuesisë e rendit”, ka shkruar Manxhuka në Facebook.
