Kryetari i Drenasit, Ramiz Lladrovci ka dhënë një lajm, siç ka thënë të jashtëzakonshëm për qytetarët e komunës së Drenasit, pasi sot ka marr konfirmimin zyrtar nga Këshilli për Investime, se Komuna e Drenasit do ta ketë liqenin e vet artificial, ujëmbledhësin që është planifikuar të ndërtohet në Vërboc.
Përmes një postimi në Facebook, Lladrovci ka theksuar se ky është projekt madhor dhe me rëndësi strategjike, ku së pari sigurohet uji i pijes për Drenas dhe disa fshatra të Drenicës, por përfiton edhe bujqësia, turizmi e fushat tjera prodhuese dhe shërbimeve.
Postimi i plotë:
Lajm i jashtëzakonshëm për qytetarët e komunës së Drenasit!
Sot, mora konfirmimin zyrtar nga Këshilli për Investime, se Komuna e Drenasit do ta ketë liqenin e vet artificial, ujëmbledhësin që është planifikuar të ndërtohet në Vërboc.
Falënderoj të gjithë bartësit e përgjegjësive të nivelit qendror dhe zyrtarët komunal për punën në këtë projekt, përkrahjen e këtij projekti, për këtë sukses që Drenasit dhe Drenicës, i ofrohet një portë e re për zhvillim dhe ngritje e mirëqenies së qytetarëve.
Ky është projekt madhor dhe me rëndësi strategjike, së pari sigurohet uji i pijes për Drenas dhe disa fshatra të Drenicës, por përfiton edhe bujqësia, turizmi e fushat tjera prodhuese dhe shërbimeve.
Gjithsesi, ndikon në ngritjen e cilësisë së jetës, po ashtu, edhe në hapjen e vendeve të reja të punës.
Faleminderit të gjithë kontribuuesve për këtë projekt!
Gëzuar qytetarë të Drenasit! /Telegrafi
