fbpx

Rekordi i Buffon, 50 ndeshje pa pranuar gol në Ligën e Kampionëve

Portieri italian ka hyrë në mesin e legjendave të futbollit evropian.
Në fitoren 2-0 të PSG ndaj Manchester United, të martën në mbrëmje, Gianluigi Buffon shënoi një arritje të veçantë në karrierën e tij.

Në këtë takim, italiani regjistroi 50 ndeshje pa pësuar gol në garën elitare të klubeve evropiane.

Në “Old Trafford”, Buffon nuk pati ndonjë kërcënim serioz nga sulmuesit e Manchester Unitedit, edhe për shkak të paraqitjes mbresëlënëse të dyshes së mbrojtjes Presnel Kimpembe-Thiago Silva, për të mos përmendur Marquinhos, i cili bëri edhe mesfushorin.

Buffon renditet i treti në listën e portierëve që e kanë mbajtur më shumë portën e tyre të paprekur në Ligën e Kampionëve pas Iker Casillas (59 ndeshje) dhe Edwin van der Sar (51 ndeshje).

Duke folur për këtë arritje personale, ish-portieri i Juventusit theksoi: “Falënderoj shokët e mi, të cilët luajtën jashtëzakonisht mirë. Ne mund të shkojmë larg. Nëse e kalojmë këtë raund, mund të përmbyllim një sezon të shkëlqyer në Ligën e Kampionëve”.

Përmbajtjet që i merr PaCensurë nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.

Pa Censurë botohet në www.pacensure.com dhe mund të merren në tërësi, sipas licencës Creative Commons 4.0.