Pacolli: Osmani refuzoi vaksinat kineze që i ofroi si ndihmë Turqia


Kryetari i AKR-së, Behgjet Pacolli, ka treguar që presidentja e vendit, Vjosa Osmani, e ka refuzuar vaksinën kineze që e ofroi si ndihmë Turqia për Kosovën.

“Një vaksinë kineze ka prodhim edhe në Turqi dhe Turqia sot me qindra miliona, i shpërndan nëpër vendet e veta mike dhe një opsion i tillë është për Kosovën, këtë presidentja [Osmani] e di, presidentes i është thënë kjo, Turqia e ka ofruar vaksinën kineze dhe ajo është refuzuar nga presidentja, duke thënë ne vetëm Pfizer dhe asnjë tjetër, një kontingjent ka qenë falas dhe kontingjenti tjetër normalisht me një çmim simbolik”.
Pacolli në Klan Kosova, tha që është papërgjegjësi e madhe që qytetarët e Kosovës nuk janë vaksinuar ende.

“Sot çdo një orë e gjysmë një njeri në Kosovë vdes nga COVID-i, sa ne bisedojmë këtu një njeri ka vdekur dhe sot është papërgjegjësi e madhe që qytetarët e Kosovës të mos vaksinohen”.

“I janë ofruar edhe më përpara edhe tash, unë i kam shkruar kryeministrit se mund të jem bashkëpunues, nëse bashkëpunimi im në një formë a në një tjetër është i nevojshëm për Kosovën, nuk kam mundur të rri duarkryq, duke e ditur që po të ishin mundësitë që t’i sjellë privatisht do t’i kisha sjellë, por vetëm shtetit mund t’i siguroj vaksinat”.

Pacolli tutje tha që kryeministrit Albin Kurtit i ka ofruar mundësi për t’i sjellë 100 mijë vaksina brenda dy javëve.

“Unë Kurtit i kam shkruar se mund të jem një ndërlidhje kualitative për prokurimin e shpejtë të vaksinave dhe flas për një vaksinë jo kineze, por për një perëndimore, kontaktin e së cilës e kam marrë nga Edi Rama, dhe duhet të nënshkruhet një kërkesë nga shteti dhe të sillet ajo vaksinë këtu dhe oferta ekziston për qeverinë e Kosovës por si duket nuk është pranuar”.

“Kam lidhje që të ndikoj në fabrikë që të thuhet ky kontingjent mund të shkoj për Kosovën, bëhet fjalë për deri në 500 mijë doza por 100 mijë të para mund të vijnë për dy javë dhe tjerat më vonë”, u shpreh Pacolli.

Baby Boo