fbpx

Këshilltari demanton pikë për pikë fjalimin e fundvitit të Teuta Arifit

Kryetarja e Komunës së Tetovës, Teuta Arifi, në fjalimin e saj vjetor ka folur rreth punëve që janë realizuar gjatë vitit që po e lëmë pas dhe është fokusuar në punët që e presin komunën në të ardhmen.

Kordinatori i këshilltarëve të Lëvizjes Besa në Këshillin e Komunës së Tetovës, Besar Durmishi ka analizuar fjalimin e saj pikë për pikë dhe në profilin e tij në facebook ka publikuar këto demante:

– Kryetarja e Komunës: Para një viti fitova për të dytën herë besimin e bashkëqytetarëve të mi për të vazhduar rrugën dhe vizionin e ndryshimit për Tetovën.

– Realiteti: Për të dytën herë besimin e bashkëqytetarëve shqiptar nuk e morrët se dështuat në 4 vite, por, morrët besimin e pales maqedone, maqinerisë votuese që e ngarkoni komunën ti paguaj vetëm për t’iu votuar, dhe votave të blera.

– Kryetarja e Komunës: Një menaxhim i mirë me qytetin do të thotë të kuptosh nevojat e qytetarëve dhe të udhëheqësh duke respektuar pritshmëritë e tyre.

– Realiteti: Si në mandatin e kaluar edhe këtë vit që lam pas qytetarët e kanë kuptuar në mashtrimin tuaj, apo dështimin në zgjidhjen e problemeve të qytetit.

– Kryetarja e Komunës: Ne nuk zgjodhëm për tua imponuar qytetarëve perceptimin se problemet e mëdha zhbëhen përmes zgjidhjeve gjysmake dhe afatshkurtëra, por sfiduam veten me shumë punë për të përmbushur përgjegjësinë që e kemi dhe për të justifikuar të drejtën e qytetarëve tanë për të shpresuar në një të ardhme më të mire.

– Realiteti: Po ua kujtojmë disa rrugë njëra në Reçicë të vogël rr.Luboteni që nisën nga Arabati i Teqes e përfundon në varrezat tek tregu i mëparshëm i kafshëve, dhe po tjetra që nisën nga ky vend rruga numër 171 dhe mbaron në fund tek Universiteti i Europës Juglindore, rr. Bllagoja Toska e cila nisën nga rrethrrotullimi i picerisē Era dhe përfundon tek shkolla e mesme Tekstile, rr.Mirçe Acev e cila përfundon tek stadiumi i qytetit rrugë këta që secilës në veçanti i’u mungojnë ndriçimet publike, kanalizimet fekale dhe atmosferike, pa trotuare, të pa asfalltuara mirë ku në çdo 50 metre vërrehet ramje e rrugës dhe nevoja përsëri pë intervenim. Dmth janë zgjidhje afatshkurta, e kundërta me deklaratën e dhënë.

– Kryetarja e Komunës: Këtë vit ne filluam dhe finalizuam disa nga projektet infrastrukturore të cilat janë shumë të rëndësishme për funksionimin e përgjithshëm të qytetit. Arritëm të asfaltojmë dhe rikonstruojmë rrugën Murat Baftijari, me vendosjen e ndriçimit publik, ndrimin e tërësishëm të rrjetit të ujësjellësit, si dhe vendosjen nëntokësore të rrjeteve elektrike dhe të telekomunikacionit.

– Realiteti: Qendër e veprimtarive artizanale që një vit pritën deri sa ju ta mbaroni rrugën dhe ende e pa përfunduar, edhe një vit tjetër duhet te presin qytetarët e kësaj zone për një rrugë që kapën dikung afër 1 km?
Duhet të keni turp ta përmendni këtë si investim.
A i’u duhen 2 vite mandat për një rrugë 1km?

– Kryetarja e Komunës: Paralelisht me këtë përfunduam edhe Urën e Kazazëve që lidh 2 anët e lumit Shkumbin dhe sot është një vlerë e shtuar për sa I përket qarkullimit sa më efikas të automjeteve dhe qytetarëve në këtë pjesë të qytetit.

– Realiteti: Ura e Kazazëve më herët ka qenë e ndërtuar me gurë si vlerë historike e Tetovës. Ju, është dashur ta ndërtoni në po të njëjtën formë, ndërsa ju e keni asfalltuar dhe betonizuar, që sa më lehtë ta kaloni si problem. Me këtë veprim ju keni humbur gjurmët e historisë së monumenteve dhe vlerave në qytetin tonë.

– Kryetarja e Komunës: Një tjetër parim të cilin ne e besuam dhe të cilit i qëndruam plot bindje, është politika jo selektive dhe pa kompromise hatresh për regjistrimin e nxënësve në shkollat e mesme. Një politikë që u rezistoi tundimeve dhe u dëshmua si e suksesshme sepse ndikoi në rritjen e numrit të nxënësve në shkollat e mesme profesionale të cilat janë shumë të rëndësishme për tregun e punës.

– Realiteti: Shkaku i politizimit të skajshmën shkolla e mesme profesionale Tekstile “Gjorçe Stojçevski” dhe Bujqësore “Mosha Pijade” nga viti në vit kanë rënie të numrit të nxënësve ku i detyron disa drejtime profesionale në këto shkolla të mbyllen, ndërsa, shkollat e mesme Gjimnazi “Kiril Pejçinoviq” dhe shkolla e mesme e Mjekësisë “Nikolla Shtejn” të stërmbushura me nxënës.

– Kryetarja e Komunës: Paralelisht me investimin në kapacitet njerëzore të mësimdhënësve dhe nxënësve, vazhduam me investimet kapitale në infrastrukturën shkollore, që janë parakusht i një zhvillimi të përgjithshëm të procesit edukativo-arsimor.

– Realiteti: Po ua rikujtojmë banorëve të qytetit se për një shkollë fillore në Reçicë të vogël që duhet të ndërtohet, ku mbi 1,000 nxënës kanë nevojë. Kryetarja e komunës në mandatin e parë e premtoi me investime kineze, në mandatin e dytë bashkë me Kryeministrin Zoran Zaev dhe zv.Kryeministrin shkuan deri në vend dhe e premtuan.
– E vetmja Lëvizja Besa ishte në protesta që të dëshmonte para qytetarëve mashtrimin që i’u bëhet nga pushteti qendror dhe ai lokal. Kaloi gati një vit, ai vend ende është i mbushur me kullosa.

– Kryetarja e Komunës: Për ta përmbyllur këtë kapitull që njeh fëmijë të shëndoshë si parakusht të një ardhmërie të sigurtë, furnizuam me pastrues të ajrit të gjitha çerdhet dhe mësojtoret e klasave të para në Komunën e Tetovës.

– Realiteti: Një pastrues të ajrit e kemi në qendër të qytetit që është bërë donacion nga investitorët tetovar për komunën e Tetovës, dmth nuk është punë e Komunës. E njëjta tani është në gjendje të mjerueshme, pa mirëmbajtje, e shkatëruar dhe jo funksionale, ndërsa qytetit i nevojiten mbi 40 të tilla.

– Kryetarja e Komunës: Tetova gjithmonë ka pasur potencial të madh kulturor i cili nuk ka mundur të del në shesh në mungesë të përkujdesjes institucionale. Komuna tash më i ka dyert e hapura ndaj artistëve tanë, ideve dhe projekteve të tyre. Ne kemi përkrahur projektet dhe veprimtarinë e tyre artistike dhe kemi organizuar shumë ngjarje kulturore të cilat dëshirojmë të mbeten tradicionale me qëllim të forcimit të identitetit kulturor të qytetit tonë . Në kuadër të angazhimit tonë institucional në fushën e veprimtarisë publike, këtë vit realizuam me shumë sukses dhe kolorit artistik edicionin e 6-të me rradhë të festivalit “Vera e Kulturës Tetovare“ dhe manifestimit “Tetova Feston Nëntorin“.

– Realiteti: Këshilltarët e Lëvizjes Besa i’a kujtojnë Kryetares së Komunës thënien e të ndjerit Ibrahim Rugova: “ Nuk mund të flas për letërsi përderisa populli im vuan nga uria”. Kryetarja e Komunës për 2 vite me rradhë investon në “Verë kulturore Tetovare” e shumë manifestime tjera në vlerë prej 371,000 euro, ndërsa, qyteti ka probleme fundamentale ku e karakterizon si një qytet me shoqëri të mesjetës me mungesën e kanalizimeve fekale, atmosferike, rrugëve të shkatëruara. Nuk mund të kemi kulturë në një vend me ajër të ndotur, ujë jo të pijshëm, deponi të egra, mungesë gjelbërimi etj.

– Kryetarja e Komunës: Vendimi i Qeverisë për të shlyer 51% të borxheve të komunave, është një mundësi të cilën asnjëherë nuk e patëm, por njëkohësisht edhe një përgjegjësi të cilën duhet me shumë seriozitet ta kuptojmë.

– Realiteti: Qeveria në vend që të financon komunën për investime kapitale që do i rregullonin problemet e qytetarëve ose me këto investime do të ndihmonte në zhvillim ekonomik, e njëjta financon dështimin e kryetares së komunës ku mbulon borxhet e krijuara nga keqmenaxhimi. Shtrohet pyetja për çfarë u krijuan ato borxhe, dhe ku janë punët e realizuara nga këto borxhe të krijuara apo më saktë çfarë u bë me ato të holla që hyri në borxh komuna?

– Kryetarja e Komunës: Komuna e Tetovës do tentojë edhe më tej që përmes zvogëlimit të obligimeve afatgjate të ndikojë pozitivisht në aftësinë e saj për kredimarrje, të rris përqindjen e të hyrave të realizuara për banor si dhe të përforcojë kapacitetet vetanake për administrim me resurset finansiare, me qëllim të zvogëlimit të varësisë nga transferet e pushtetit qendror.

– Realiteti: Të hyrat kapitale në vitin 2017 janë 8,8% në tërësi pë banorët, resurset finansiare vetëm 35%, në vitin 2018 të hyrat kapitale janë 28,8% në tërësi për banorët, resurset finansiare janë po të njëjtat 35%, me çfarë magjie do e bëni në vitin 2019-të 90%, dhe për çdo vit me rradhë transferet e pushteti qendror janë mbi 90% për arsye të dështimit në realizimin e mjeteve vetanake.

Përmbajtjet që i merr PaCensurë nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.

Pa Censurë botohet në www.pacensure.com dhe mund të merren në tërësi, sipas licencës Creative Commons 4.0.