fbpx

BDI bashkë me VMRO-në zgjedhin Kryetarin e Këshillit në Çair, reagon këshilltari i Aleancës!

Bashkimi Demokratik për Integrim në bashkëpunim me VMRO-DPMNE-në dhe LSDM-në, zgjodhën sot Kryetarin e ri të Këshillit në Komunën e Çairit. Kryetar i ri i Këshillit u zgjodh këshilltari i BDI-së, Zahir Bekteshi. Më herët flitej se Aleanca për Shqiptarët dhe Lëvizja Besa kishin siguruar votat e nevojshme për ta marrë kryesuesin e Këshillit dhe të njëjtë u akuzuan nga ana e BDI-së për gjoja bashkëpunim me VMRO-në. Ndërkaq BDI-ja edhe kur e shkarkoi ish kryetaren e Këshillit e bëri me ndihmën e VMRO-së dhe sot kryetarin e ri përsëri e zgjodhi me ndihmën e VMRO-së. Kjo ka bërë që këshilltari i Aleancës për Shqiptarët, Fatih Qaili të reagojë për këtë zgjedhje.

“Të nderuar qytetarë, të nderuar këshilltar, i nderuar përfaqësues i OSBE-së.
Në tentativën e parë për ta zgjedh kryetarin e këshillit, në kohën kur koalicioni Aleancë me Besë numëronte votat e mjaftueshme, padrejtësisht akuzoheshim se jemi në koalicion me VMRO-në. Të ju përkujtojmë se shkarkimi i ish-kryetares së këshillit u bë pikërisht me ndihmën e VMRO-së.

Tani ju pyesim përzgjedhja e kryetarit të ri a do të bëhet falë bashkëpunimit të ngushtë VMRO-BDI?” – foli nga foltorja e Këshillit të Çairit, Fatih Qaili nga Aleanca për Shqiptarët.

Përmbajtjet që i merr PaCensurë nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.

Pa Censurë botohet në www.pacensure.com dhe mund të merren në tërësi, sipas licencës Creative Commons 4.0.