Policët e stacionit policor në Han të Elezit, nga Drejtoria Rajonale e Policisë në Ferizaj, në bazë të një informacioni inteligjent të pranuar, kanë arritur që sot në ora 13:15 të arrestojnë personin me inicialet B.C (M/K), 39 vjeçar.
Kështu thuhet në një komunikatë për medie nga Policia e Kosovës.“Ai ishte i kërkuar në bazë të urdhëresës së Gjykatës Themelore në Ferizaj – Dega në Kaçanik , për veprën penale ‘’Lëndim i lehtë trupor’’ me dënim burgimi prej tre (3) muajve”, thuhet në komunikatë.
Pas kompletimit të dokumentacionit, i njëjti dërgohet në vuajtje të dënimit.
Drejtoria Rajonale e Policisë në Ferizaj , do të vazhdojë me realizimin e urdhëresave të gjykatës ndaj personave që ende nuk iu kanë përgjigjur thirrjes së gjykatës.
