fbpx

Aleksandar Vuçiq: Taksa e Kosovës na dëmton ekonominë por prap ne jemi të fortë edhe vet !

Presidenti i Serbisë, Aleksandar Vuçiq ka thënë se Serbia është mjaft e fortë për të vazhduar ndërtimin e një të ardhmeje më të mirë, madje edhe pa një marrëveshje me Kosovën.

Sipas mediave serbe, kur është pyetur rreth sesionit të fundit të Këshillit të Sigurimit të OKB-së, të cilën Vlora Çitaku – ambasadore e Kosovës në SHBA – e kishte quajtur “seancë koti”, ai tha se “nuk e di më atë që përfaqësuesit e Kosovës duan nga Beogradi apo bota”.
Ai tha se Prishtina vazhdimisht ndryshon deklaratat dhe mesazhet, ndryshe nga ai, i cili pretendon se “deklaratat e tij nuk ndryshojnë, sepse ai e di se për çfarë po lufton Beogradi”.

“Një ditë flasin në Uashington, një ditë tjetër në Bruksel, dhe pastaj shkojnë në Prishtinë ditën e tretë dhe thonë diçka krejtësisht ndryshe…”, ka thënë Vuçiq.

“Ne nuk e dimë se çfarë duan, çfarë duan nga ne, nga bota … Ne udhëheqim një politikë racionale, serioze dhe të përgjegjshme, një politikë paqeje dhe hapa gradualë, duke iu afruar një kompromisi. Nëse dikush këtë nuk e dëshiron, ne jemi të fortë edhe pa marrëveshje për të vazhduar ndërtimin e një të ardhme më të mirë për popullin tonë dhe qytetarët”, citohet të ketë thënë Vuçiq, duke shtuar se “Beogradi është duke pritur Prishtinën për të shfuqizuar tarifat, sipas të cilit është kusht thelbësor, për të vazhduar bisedimet” .

Siç ka thënë ai, “kjo (taksa) po e shkatërron ekonominë serbe dhe shkatërron çdo lloj krijimi të mundshëm të çdo besimi në të ardhmen”.

Përmbajtjet që i merr PaCensurë nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.

Pa Censurë botohet në www.pacensure.com dhe mund të merren në tërësi, sipas licencës Creative Commons 4.0.