U dorëzua çmimi shtetëror “Shën Klimenti i Ohrit” për vitin 2018

Për nder të festës “Shën Klimenti i Ohrit” në Kuvendin e Republikës së Maqedonisë sot u dorëzua çmimi shtetëror me të njëjtin emër, për vitin 2018.

Fitues të këtij viti janë punonjësit e arsimit, Kimete Agai dhe Adnan Agai për realizim në sferën e edukimit dhe arsimit, regjisori Vlladimir Millçin, artistja e baletit Emilia Stamenkoviq (Xhipunova) dhe shkrimtari Tomisllav Osmanli në sferën e kulturës dhe artit dhe patofiziologu, specialist në mjekësi nukleare prof.dr. Borisllav Karanfillovski në sferën e shëndetësisë.

Çmimet ua dorëzoi kryetari i Këshillit për ndarjen e çmimit shtetëror “Shën Klimenti i Ohrit”, akademiku Vllada Urosheviq, i cili tha se çmimin e kupton si mundësi të bukur të veprimtarëve në kulturë që t’u kompensohet së paku një pjesë e vogël e asaj që me të vërtetë e kanë merituar.

“Kultura është gjithnjë e më pak e pranishme në mediume. Është koha ta lirojmë kulturën nga komercializimi dhe politizimi. Aduti ynë i vërtetë kryesor në kërkesën për vend të barabartë mes popujve është kultura, nga edukimi dhe arsimimi deri te synimet më të larta të artit. Ndarjen e këtij çmimi e konsideron si kontribut të bukur ndaj tejkalimit të rreziqeve që i kanosen kulturës në Maqedoni”, shtoi Urosheviq.

Në emër të fituesve u falënderua prof.dr. Karanfillski, i cili tha se çmimi është shprehje e mirënjohjes së lartë shoqërore për rezultatet e arritura.

Çmimi “Shën Klimenti i Ohrit” është mirënjohja më e madhe për realizime shumëvjeçare në sferën e edukimit, arsimit, kulturës, artit, shëndetësisë, mbrojtjes dhe avancimit të rrethinës së njeriut dhe në veprimtarinë sociale të interesit publik të Republikës së Maqedonisë.

Përmbajtjet që i merr PaCensurë nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.

Pa Censurë botohet në www.pacensure.com dhe mund të merren në tërësi, sipas licencës Creative Commons 4.0.