Bakiu: Përball studentëve gjithkush ka humbur

Profesori universitar dhe politologu i njohur nga Maqedonia, Qashif Bakiu, përmes rrjetit social facebook është shprehur për protestat e studentëve në Tiranë.

“Ky është fillimi i fundit të Edi Ramës. Çdokush që është vënë përball studentëve ka humbur” shkruan Bakiu. I pyetur nga Kosovapost për qëndrimin e tij në lidhje me protestën studentore ai ka thënë: “Dhjetorët janë të ftohtë për elitat politike. Tradicionalisht lëvizjet studentore zgjohen në këtë muaj kur gjithçka në shoqëri flen.

Kujtoni lëvizjet studentore të dhjetorit të viteve 90-ta që shemben diktaturën më të egër në Evropë. Elitat politike shpesh herë harrojnë se zgjidhen nga qytetarët dhe janë pë tu shërbyer atyre. Më e keqja harrojnë se të gjithë falin, por jo edhe studentët”.

Profesor Qashif Bakiu është ligjërues në Universitetin e Tetovës, si dhe në disa universitete të tjera në rajon. Ai shquhet si njohës i mirë i proceseve politike dhe kritik i pandalshëm i elitave politike shqiptare.

Përmbajtjet që i merr PaCensurë nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.

Pa Censurë botohet në www.pacensure.com dhe mund të merren në tërësi, sipas licencës Creative Commons 4.0.