Deputetja e Kuvendit kërkon që Cecës mos ti lejohet hyrja në Kosovë

Deputetja e Kuvendit të Kosovës nga Partia Demokratike e Kosovës, Ganimete Musliu, ka reaguar për ardhjen e këngëtares nga Serbia, Ceca, në Mitrovicë të Veriut për të mbajtur koncert.Në një postim në Facebook , Musliu ka shkruar se ajo vjen vetëm për të promovuar urrejtje.

“Në Kosovë nuk po vjen këngëtarja Ceca, por bashkëshortja e Kriminelit më të tmerrshëm të historisë tonë të re. Po vjen bashkëshortja e Arkanit që ishte udhëheqës paramilitar dhe vrasës mizor i mijëra shqiptarëve në luftën e Kosovës. Ceca nuk po vjen të prezantoj art në Kosovë, por për të promovuar urrejtje e për të goditur në plagët e hapura të shqiptarëve që i shkaktoj bashkëshorti i saj”, ka shkruar Musliu në Facebook.

Musliu ardhjen e këngëtares e konsideron të papranueshme dhe të padrejtë, andaj ka bërë thirrje tek institucionet e vendit t’i ndalohet hyrja në Kosovës.“Kjo është e pa pranueshme dhe e padrejtë, andaj unë nuk mund të heshtë. Apeloj të institucionet tona, mos ja hapni plagët popullit, mos lejoni që bashkëshortja e kriminelit të hyjë në Kosovë”, ka përfunduar Musliu.

Përmbajtjet që i merr PaCensurë nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.

Pa Censurë botohet në www.pacensure.com dhe mund të merren në tërësi, sipas licencës Creative Commons 4.0.